《聲夢》黃奕斌粉絲整巴士燈箱應援 網民問「天生IDOL」係邊位?
撰文：鄺鈺瑩
出版：更新：
Fans為黃奕斌嘅應援，整個設計都「震撼」了不少網民。(IG圖片）
現年21歲的《聲夢傳奇》學員黃奕斌（Hugo）日前完成新劇《青春本我》拍攝後，暫別香港往內地讀書及拍劇，有粉絲特意做巴士燈箱應援當作禮物送比Hugo。之不過，可能係因為大家平時睇開MIRROR嘅高質應援，導致Hugo應援遭網民取笑。
聲夢傳奇下月舉行粉絲見面會，Hugo亦有在IG宣傳。(IG圖片）
粉絲選擇了兩款巴士燈廂，其中一款印有字句「HUGO 黃奕斌 未來可期 舞台都因為你變得閃耀！」並配上Hugo在舞台上閉上眼睛、投入唱歌的照片；而另一款應援就較為簡單，寫有「天生的IDOL 黃奕斌」並配上Hugo身穿印有TVB logo T-shirt 的照片。有網民見到呢個應援之後，問「乜水」同埋話將IDOL睇成IDIOT嘅人佔大多數，另外，亦有網民留言表示「要整都認真啲啦」，並直指揀相以及設計出現極大問題。睇返發起今次應援嘅「hugoland.wyb」，其IG followers只有93人，而帖文亦只有3則，雖然有發文叫大家去打卡，但似乎並未有太多fans留意到。
同場加映：炎明熹8號風球搵巴士應援廣告 阿Q精神：終於有時間去打卡！
+6