青年心城｜「後生版林夏薇」黃紫恩喊戲一take過：感激馬浚偉教導
撰文：鄺鈺瑩
出版：更新：
黃紫恩呢幕喊戲，一take過搞掂，唔少網民覺得以新人嚟講表現不俗。
由游嘉欣﹑林正峰﹑黃紫恩（JoJo）及王虹茵（Sharlene）合演嘅《青年心城之撐起青春》昨晚（17日）播出第二集。
黃紫恩之前趁工作空檔到藝訓班Sit堂增值，獲馬浚偉指導。
JoJo在劇中飾演大學生，由於家庭壓力沉重，故此急需搵工，可惜卻多番碰壁兼慘遇吸血鬼企業，結果返回共享空間時終情緒失控爆喊！雖然JoJo是首次飾演較重要角色，但據知是次喊戲除了一Take過完成，就連幕後工作人員及網民亦認為她表現理想，並有網民讚JoJo靚女，指她似「後生版林夏薇」。JoJo受訪時感謝劇集監製及導演給予她演出機會，並大談當日拍攝喊戲喜獲不少前輩支持：「同場嘅演員都好畀力我，幫我營造咗好真實嘅氣氛，我先喊到；同埋佢哋有教我點樣可以『撻著』喊嗰粒掣。」JoJo又特地感謝馬浚偉及黃智賢，事緣她之前在藝訓班上獲兩位前輩指導：「佢哋有教我哋點樣面對自己，唔好收埋自己，又教我點樣做人，之後我啲情緒先出到嚟。佢哋真係好好人。」
劇中游嘉欣同林正峰呢對CP喜獲好評。