搵鬼去電視城｜TVB破格開拍探靈節目 C君笑讚眾主持好演技
撰文：吳子生
出版：更新：
TVB J2台創意總監鄭詩君（C君）今日（26/10）現身電視城出席J2「呢鋪開細」記者會。提到破格開拍靈探節目《搵鬼去電視城》，窺探電視城鬧鬼傳聞，C君表示：「其實我真係唔知大家點解會覺得咁破格，都只不過係一個鬼節目嚟，加上電視城又咁多鬼故係都可以講下嘅。不過咁多節目其實唔係我一個人諗出嚟嘅，係好多團隊一齊去諗，而我最大嘅功用就係開一度門，並唔係只係做自己入面嘅製作，而係畀大家入嚟傾佢哋嘅諗法同製作。」
被問到有否在電視城撞過鬼？C君笑言：「其實我偏向唔信有鬼。而我睇過佢拍嘅片，都覺得佢哋幾好演技。嗱嗱⋯呢個純粹係我自己諗啫。不過講真，如果我遇到啲靈異事件，我都會用科學角度嘗試去解釋件事。就例如試過同陸泳出外工作住酒店時，電視機突然自動開關，我就覺得電器出現問題，而陸泳就會驚到震，就會同靈異嘢扯上關係。」