搵鬼去電視城｜徐加晴丘可欣走進禁地 通靈揭靈體身份：係前藝員
撰文：吳子生
出版：更新：
徐家晴和丘可欣在靈探節目中，將會在無綫古裝街進行招靈儀式。（梁碧玲攝）
J2全新探靈節目《搵鬼去電視城》其中兩位靈力女團主持人徐加晴和丘可欣，今日（26/10）現身電視城出席J2「呢鋪開細」記者會。節目中兩位高靈人士徐加晴和丘可欣將深入無綫傳聞鬧鬼地方進行招靈引鬼現身儀式，過程驚險萬分。
徐加晴表示：「其實我哋想拍攝到靈體嘅存在，我哋係會有招靈儀式。同時我哋係導演刻意喺古裝街現場大聲邀請靈體同眾生一齊加入拍攝，然後現場啲鋪頭嘅門即時有反應，啲門同啲牆係咁『嘭嘭聲』響起，呢件事真係好神奇。而我同丘可欣睇到啲靈體同眾生係睇得好興奮。」而丘可欣亦指出古裝街靈體是與眾不同：「我見到古裝街嘅鬼好唔同，因為佢哋嘅衣著係切合返個古裝街嘅背景，而佢哋係好似拍緊自己嘅戲咁，而且佢哋係表現到係『終於到我哋拍戲喇』咁嘅表現。」
而徐加晴再透露在節目中有一個通靈環節，會同靈界朋友溝通接觸：「我哋試過問個靈體佢哋鍾意邊個男女藝人，而佢真係講咗佢心目中所喜愛嘅女藝人係邊個。同埋我哋會揭開部份靈體真正身份同點樣嚟。（靈體係前無綫藝員？）係。有啲係前藝員嚟，又或者係前員工。」
徐家晴指出古裝街部分靈體是由附近山頭走進的。（梁碧玲攝）