慈善演唱會｜悼念梅艷芳18周年忌日 胡楓：佢6歲我已經搵佢表演
撰文：吳子生
出版：更新：
「開心派對2慈善演唱會」眾位演出歌手今日（26/10）齊齊現身九展進行綵排。而演唱會將於11月6日晚假旺角麥花臣場館舉行。12月30日為樂壇天后梅艷芳逝世18周年，為紀念一代天后，秉承梅姐生前廣做善事的善心，今次演唱會大部份歌手都會演唱梅姐經典名曲。
而修哥（胡楓）受訪時表示：「其實喺梅艷芳6歲嘅時候，我已經搵佢表演，因為當時我喺夜總會度做，咁所以佢都幫我做咗一段時期。而佢細個嘅時候，畀我嘅印象佢係好得意，而且佢唱歌表演係好有天份。到佢大個唱功亦非精純熟，加上跳舞亦相當悅目，咁所以佢成功係有佢嘅原因嘅。」
修哥笑言不需要練歌，認為自己應付得到。（吳子生攝）