男神廚房｜周嘉洛扮嘢學人拋鑊險撞爛爐頭：上嚟獻醜！

周嘉洛今日（2/11）以嘉賓身份現身電視城為無綫綜藝節目《男神廚房》進行錄影。嘉洛笑言：「今次上嚟呢個節目落場煮嘢食，真係後悔莫及，因為自己廚藝實在太渣，上到嚟唯有獻醜，仲要差啲撞爛個爐頭，不過好彩就冇事，個爐頭仲係度，如果唔係真係要買返個新嘅畀公司。哈哈！講真自己又衰嘅，諗住唔識都要扮吓嘢學人拋鑊扯啲火出嚟，畀啲功架招式大家睇，點知個鑊頭撞落個爐頭度，真係有姿勢無實際，哈哈！」