香港天后梅艷芳的傳記電影《梅艷芳》將於11月12日盛大公映，女子組合BINGO成員關嘉敏（Carman）日前便獲邀出席「『夢伴．全城』梅艷芳金曲響遍香港」活動，與香港浸會大學學生一起在旺角街頭Busking，獻唱《烈焰紅唇》、《夢伴》和《夕陽之歌》。Carman接受《香港01》訪問時坦言自幼喜歡梅艷芳，所以收到活動邀請時感到超級興奮：「之前都試過拍梅姐嘅Cover片放上網，而我睇優先場嘅時候，深深感受到梅姐嘅吸引力，同埋俾梅姐敬業樂業嘅精神深深吸引。」Carman又指《烈焰紅唇》是她聽梅艷芳第一首歌：「當時我仲係好細個，大個咗睇到梅姐係台上嘅表演，有好大嘅吸引力，台風好震懾我，因為自己都有學跳舞，好多時都會跟住跳跟住郁，同埋真係好開心當日聽到好多人跟住我一齊唱，令到我好Enjoy同埋投入。」

點擊下圖觀看現場情況：