Edan呂爵安落手落腳砌新枱獲讚叻仔　不幸整損手「爵屎」勁心痛

男子組合MIRROR成員呂爵安（Edan）工作多籮籮，最近就夥拍教主Anson Lo與毛舜筠（毛姐）拍攝新戲。昨日（4日），難得早收工的Edan就非常乖仔，回家幫媽媽組裝新餐枱。他在IG上載居家造型拿着鎚仔的照片，並寫下長文分享整個過程。見Edan跟着說明書一步一步裝嵌，專注又認真，但過程卻沒有想像般容易，他更不幸整損手令粉絲非常心痛。

Edan寫着：「話說因為嚟咗部琴，所以啊媽決定換張細啲嘅枱慳返啲位。但嚟咗幾日我都太夜收工冇時間搞，本身都諗住叫人搞算，但今日竟然難得地早收工，就決定返屋企幫啊媽砌好張新枱（好有型咁話：唔洗搵人幫啦等我嚟）。咁我諗住憑我細個砌模型嘅經驗，應該輕輕鬆鬆啦。點知竟然砌咗成2個半鐘，勁多零件，屋企又冇乜工具，搞到手都損埋。即刻同啊媽講，下次唔好慳嗰幾舊水，比人砌算啦。不過砌完後係幾有成功感嘅，同埋成功獲得啊媽同啊妹嘅尊敬同讚賞。而家行出廳都威風啲，值得值得。」一眾「爵屎」大讚Edan好叻兼孝順：「爵安好叻叻，不過都要小心手啊」、「認真嘅男人係特別charm」。

同場加映

MIRROR三周年︱重溫12子出道日現場　姜濤樣子青澀非常可愛