蔡雪瑩孖「神隊友」湊一對仔女唔認虎媽:我緊張佢哋品德多過功課

撰文:陳栢宇
出版:更新:

前新聞之花蔡雪瑩(Snowy)昨晚(5/11)接受黃婉曼(Icy)Facebook直播訪問,Snowy的5歲多長子明年將升小一,Icy就請她在節目內分享小孩面試學校攻略,她提供了不少實用貼士。Snowy建議不妨為幼兒多報幾間學校,她說:「等佢哋多啲面試經驗。」面試前一晚要早睡,以免小朋友不夠瞓會發脾氣。

蔡雪瑩昨晚(5/11)接受黃婉曼Facebook直播訪問。

Snowy平日除親力親為照顧一對子女,還會兼顧自己生意,時間分配得恰到好處,雖然子女分別在港九兩邊返學,兩夫妻分工合作一人湊一個,網民大讚其夫是「神隊友」。Snowy會趁送孩子返學途中多溝通,促進彼此感情,對增加子女自信心也有幫助。

Icy笑問Snowy可是「虎媽」?她說:「咁樣問,通常會答唔係。虎媽係會對子女好高要求,做唔到都逼佢哋做。」Icy謂有時可能家長之間比較所致,Snowy答:「呢啲係必經階段,但我都過咗,總會有家長對小朋友更加多要求,不過我緊張佢哋品德多過功課。」Snowy表示當發現子女學習到不好的行為,會立即糾正:「我好少畀小朋友壓力,係都只會畀番自己。」

蔡雪瑩與黃婉曼大談湊仔經。

Snowy教導孩子,主張多欣賞他們的優點,多過放大他們的缺點:「我亦會教佢哋有同理心,而唔係乜都Say no。」Icy非常認同。Snowy對子女也不會偏心,奬罰分明,當子女嗌交時,她說:「我通常唔會介入,等佢哋自己解決,除非有一方喊住同我講。」

蔡雪瑩主張多欣賞子女的優點,多過放大他們的缺點。