神的女主角︱Anson Lo回顧《造星》不堪造型：我都唔知點解會咁
撰文：鄺鈺瑩
出版：更新：
Anson Lo特地去到排舞室，為落選嘅參賽者送上禮物，勁窩心。
為招募MIRROR成員Anson Lo（盧瀚霆）新歌MV女主角而籌備嘅ViuTV真人騷節目《神的女主角》，經過低、中、高難度嘅跳舞比賽之後，雖然大家都真係好努力，但梁曉欣一組最終被Foul出局。不過，當佢同哥哥以及家姐一齊做訪問時，估唔到Anson Lo竟然悄悄地現身排舞室，仲送上合照拼圖為佢哋打氣。見到教主真身，三位都好似發緊夢咁，而梁曉欣仲激動落淚。
6位參賽者都只係得一星期練習，但個個都進步神速，連Rock Sir都話好驚喜。
選角第二回合，原來係要幾位參賽者以抽籤形式，揀選Anson Lo嘅過往造型，之後再由隊友神還原。而呢五款造型，全部都係由教主親自揀選，當中包括MIRROR演唱會上，獨唱《EGO》時穿上嘅酒紅色露肌西裝、《男排女將》Bobby造型。至於另一款造型，係喺《造星》55強表演《撐腰》時嘅一身「潮Look」，上身以白Tee襯籃球背心，而下身就係牛仔短褲……教主如今再睇返自己呢一身嘅打扮都尷尬萬分：「我都唔知點解會咁，公司當時冇Stylist，條牛仔褲仲要我自己特地剪啲窿……開窿喺當時嘅一個trend。」
Anson Lo親自揀出5個造型，當中包括對佢好有義意嘅《男排女將》。
令人睇到心心眼嘅騷肌look。
仲有不堪回首嘅《撐腰》look
+12