李克勤避談北上搵人仔賺到豬籠入水：我唔計呢啲
撰文：鄺鈺瑩
出版：更新：
李克勤話台慶咁大件事，所以一定要支持。(梁碧玲攝)
李克勤今日現身電視城，為《萬千星輝賀台慶》進行綵排。早前因工作關係而在內地逗留4個月嘅克勤表示，自半個月前回港後，因為飯局頻頻而重了3、4磅，由於預計今個月仲有20多個飯局，加上老婆生日在即，所以近日一有時間就搏命做運動。問到北上多月，接拍了多個節目，是否豬籠入水，克勤未布正面回應，只係話：「我唔計呢啲，好開心做咗一季《中國好聲音2021》導師，好有挑戰性，難得做完香港同類節目，返內地又做，從中獲益良多。。」克勤又話掙錢都係為小朋友將來：「本來喺內地一直有工作，但怕兩個仔唔認得我，所以每年只去一次幾個月。今次返嚟見到兩個仔，開心過兩個仔見到我，佢哋又忙，星期六、日先理我一下。」
李克勤唔講講係內地掙嘅錢，是否比老婆盧淑儀投資買樓，(梁碧玲攝)
對於好友曾志偉榮升無綫總經理，克勤笑言對方由於位高權重及公務繁忙，暫未有機會敘舊，問到今次係未志偉親自邀請佢為台慶演出，克勤表示：「邊個叫又有咩所謂，我同無綫咁多年感情，台慶咁大件事一定要嚟。」