余香凝與愛女探望岑珈其　網民讚兩位BB眼仔碌碌好得意：對親家！

余香凝（Jennifer）於今年5月誕下愛女Clare，有女萬事足的她不時在社交平台分享女女生活點滴。昨日（12日），余香凝就帶同Clare一起探望好友岑珈其和他的仔仔臻臻，並在IG上載合照寫着：「終於見面啦！珈其：你個女幾時會高過我？我：16歲掛。兩個bb一齊玩好得意，兩個都要健健康康！快高長大！」Clare和臻臻眼仔碌碌，加上肥嘟嘟的臉蛋非常可愛，網民留言大讚好得意：「一睇就邊個打邊個，超似樣」、「對親家」。