讀心專家|陳展鵬被要求交出手機 自爆全是單文柔密照勁尷尬

撰文:黃欣華
出版:更新:

由黃庭鋒、陳聖瑜主持、夥拍留日著名「讀心專家」松明廣邀藝人嘉賓作客的《讀心專家》日前請來恩愛夫妻陳展鵬與單文柔擔任嘉賓,向觀眾展示「超市心理術」。

兩公婆玩得好開心呀!

昨晚節目內容十分震撼,單是開場與觀眾互動的「心理測驗」,已令討論區群情洶湧。松明在節目中分開四個階段、給予32個單詞觀眾選擇,最終松明問道:「你哋係咪揀咗砂糖?」之後網民表示嘖嘖稱奇,有超過九成半網民留言自揭答案是砂糖,並驚呼:「點解會咁嘅?」、「我真係砂糖,點解佢會估到」、「我又係砂糖,癡線架?」、「求其亂選到最後都係砂糖」、「好想聽佢解釋」、「我覺得好得意」、「似視覺魔術」。

其實煎Pan最初都係抱半信半疑態度。
當首度發現被「控心」及「植心」成功時,煎Pan先係嚇一跳。

除了網民及觀眾,就連視帝陳展鵬(煎Pan)亦對松明「甘拜下風」!昨晚松明一共對煎Pan夫婦三度作出「控心」及「植心」秘技,結果煎Pan夫婦三次表現都盡在松明掌控之中。原本對松明滿臉疑惑的煎Pan,經歷兩輪松明「洗禮」後,忍不住大叫「Amazing」及至少驚呼了兩次「好犀利呀」;看得投入的煎Pan,有時更像發現新事物的小朋友般開心地拍手,十分可愛。

煎Pan講講吓上節目感受,都可以硬Tag落老婆度,果然係「愛妻號」。

以恩愛馳名的煎Pan,昨晚在節目中不忘放閃,先是文柔向煎Pan撒嬌謂:「以前我行街最鍾意睇衫,依家結咗婚之後,我淨係可以行超市。」煎Pan聞言即滿臉愛意地回應:「做靚太吖嘛。」又謂太太是他的讀心專家:「讀心就係你唔使講嘢,就可以睇穿你個心,同埋知道你諗緊乜嘢,好似佢(指向文柔)對我咁。」然後當松明要求煎Pan交出電話作心理術示範時,煎Pan除了大爆手機內全是太太「私照」外,又爆料指文柔知其手機密碼,恩愛程度可見一班。

係咪同煎Pan一樣咁好奇,松明係點樣做到呢個神預測架呢?

點擊圖輯睇陳展鵬&Phoebe一家三口幸福相︰

+53