麻雀鬥室三決一|麥玲玲出動5卡巨鑽擾敵 「平時游水時戴嘅!」

撰文:洪曉璇
出版:更新:

由薛家燕擔任「話事人」的無綫綜藝遊戲節目《麻雀鬥室三決一》,將於明晚(26日)10點播出最後一集。而之前播出第11集中,請來風水師麥玲玲、陳定幫、陳煒及區永權做嘉賓,夥拍林盛斌(Bob)、戴祖儀、鄭衍峰及吳若希(Jinny)「四大護法」齊齊打牌。

魏柏豪(左起)、吳若希、林盛斌、陳煒、麥玲玲、薛家燕、陳定幫、區永權、戴祖儀、鄭衍峰與源菲然大合照。

因節目接近尾聲,所以最後兩集決定以一集過定勝負,戰況相當激烈!今集甫開始問到嘉賓有甚麼必勝秘訣?玲玲師傅即笑言「靠嚇」:「想唔想好運?贏咗免費睇流年!」但玲玲師傅致勝之道並非一味靠嚇,原來真正絕招是出動私伙靚錶及巨鑽頸鏈擾敵,Jinny看到鑽飾即起心心眼說:「我想要你心口嗰粒!」玲玲師傅笑言:「呢粒5卡,平時游水時戴嘅!」而玲玲師傅的擾敵策略相當成功,最終自摸並贏到24罐鮑魚,認真有料到!

麥玲玲師傅大晒靚錶。

明晚(26日)播出的最後一集,四大護法Call齊親朋好友「內訌廝殺」,Bob、戴祖儀、鄭衍峰及Jinny親自上場,Bob找來太太Pearl及媽媽Linda組成東Bob隊,戴祖儀找來曾樂彤、涂毓麟組成南Joe隊,Jinny找來老公Alex及莊思敏組成西Jin隊,鄭衍峰找來麥大力及路芙組成北峰隊,最終有人盲拳打死老師傅,有人手氣好到爆,戰況相當激烈!而最後一集高手嘉賓,亦令人相當驚喜!

麥玲玲師傅粒5卡巨鑽頸鏈先係最吸睛。
+6