全民造星IV｜許廷鏗透露Yoyo身體抱恙 高呼不捨：呢個節目好殘忍
撰文：陳芷穎
出版：更新：
ViuTV大型選秀節目《全民造星IV》今晚（25日）舉行決賽，導師許廷鏗（Alfred）及造星師兄P1X3L於賽前接受傳媒訪問時表示非常感觸，Alfred透露Yoyo （葛綽瑤）雖然身體抱恙，不過依然落力排練令他十分感動。
許廷鏗及造星師兄P1X3L於賽前接受傳媒訪問時表示非常感觸。（葉志明攝）
Alfred於入場時看到各參賽者得到大量粉絲應援，他亦感到十分開心：「Day有好大塊牌，芯駖有一大班猛丁陪伴住，Marf又有好多支持者，見到呢個景象好開心。佢哋（粉絲）都對我好好，對導師有種答謝之恩。」他透露昨晚有看參賽者的綵排：「有啲感動，其中一位參賽者身體抱恙，但見佢好努力唱好佢嘅作品，揀嗰隻歌係送畀我、組員同《全民造星》。希望佢哋嘅表現令觀眾留下深刻印象。無論邊個入到女團，打拼嘅過程最重要。」
Alfred透露Yoyo （葛綽瑤）雖然身體抱恙，不過依然落力排練令他十分感動。（葉志明攝）
問到Alfred有否感到不捨，他坦言這個節目很殘忍：「好義無反顧咁投入感情，當導師生涯完結，我要自己行返去道別，有一種斷捨離嘅感覺。而家要客觀咁去睇佢哋表演，上一round做評判要好狠心，噚晚睇綵排都畀咗啲意見，今朝好早醒咗問佢哋狀態點、有冇信心，佢哋冇試過做咁大嘅場地，仲有直播觀眾，要投放嘅聲量要比平時好唔同，希望用紅館嘅經驗話到畀佢哋聽。」
問到Alfred有否感到不捨，他坦言這個節目很殘忍。（葉志明攝）