林正峰昨日（28/12）到將軍澳電視城出席《萬千星輝頒獎禮2021》的「飛躍進步男、女藝員」最後五強記者會。林正峰接受《香港01》訪問時表示：「好開心第一次能夠入到圍，而且仲可以同游嘉欣呢個拍檔延續到呢個頒獎禮，仲入埋五強競逐『最受歡迎電視拍檔』呢個獎項。明白獎項呢樣嘢係無法強求，但你問我想唔想攞？我答你梗係想攞啦。咁所以唯有用自己嘅努力，令自己嘅希望大啲囉，暫時只有耐心等待。不過結果係點都好，有獎定冇獎，大家能夠入到圍已經係一個成功同肯定。」