陳敏之朝早起身有仔陪化妝勁溫馨　5歲雷子樂驚變「四眼仔」

陳敏之與圈外老公雷偉信（William）育有一名五歲兒子雷子樂，一家三口非常幸福，而她亦不時更新社交網站，與網民分享生活點滴。昨晚（5/1），她便在Instagram貼出一條溫馨短片，片中除了陳敏之亮相，更有雷子樂出場，原來現正就讀K2的雷子樂已經成為「四眼仔」，而他非常乖豬陪咪化妝兼唱情歌：「I love you媽咪……媽咪媽咪咪咪咪咪……媽咪is my friend……」最搞笑的是陳敏之立即指正是「my best friend」，而雷子樂仲好聽話應媽咪要求咀嘴，非常之Sweet。

點擊下圖觀看短片截圖，以及陳敏之精選IG靚相：

另外，陳敏之亦有在帖文中寫道：「話說今朝0700開工，跟住呢隻豬仔，竟然跟我一齊起身話要陪我化妝，咁好啦！記得以前佢細個，即係剛識行嗰陣，我都會放佢喺我大髀，陪我化妝（係我要求）。但係今日5歲嘅佢，已經有佢嘅思想，所以我非常甘心俾佢，繼續坐喺我大髀化妝，但係佢整首感嘅歌俾我嘆，你又叫我點樣繼續化落去呢，真心唔想出門口。」大騷溫馨母子情。