黃婧靈（波波）早前喺IG上載多張照片，只見身穿紅黑帶中國風服飾嘅佢，甫士十分撩人，她之後更透露生日派對嘅主題係「新年」，但網民就話一啲都唔新年feel，反而似夜總會多啲。再加上由於玻璃倒影出床上有一條牛仔褲，令網民有更多幻想嘅空間。

喺今日（10日），波波再次出po，不過今次上載嘅係與兩位女性朋友嘅合照，照片所見，兩位朋友都均穿上高叉旗袍，比波波嘅一身服飾更為「新年」，波波發文表示：「係呀我哋係爆房呀，生日爆房我哋好開心呀，下次咩dress code 好呀？」之後再hastage「放心爆房我最鍾意大大聲」以及「走之前有換返牛仔褲 」似乎係想反擊網民嘅「爆房」言論。

點擊下圖睇靚相：