袁詠儀再有新款激罕Hermès上場　阿嬌拎黑金Kelly夠經典

袁詠儀近年留在內地陪老公張智霖拍攝綜藝，自己亦不時客串一角，生活絕對稱得上寫意。日前佢同老公現身上海虹橋時，手上嘅Hermès既非炒價40萬嘅Birkin 35 Fray Fray，亦非入手8年嘅Hermès 背包，而係 Kelly 32 Suede，麂皮拼Swift皮革加上銀扣以及不規則藍色手柄。參照二手網嘅價錢，全麂皮Kelly至少12萬起跳，但靚靚手上呢款連炒價都冇，明確屬知非常激罕，不過對於身為VIP嘅佢，要入手應該都唔算難。

同樣近年留在內地發展嘅阿嬌（鍾欣潼），佢香港屋企5層高的名牌手袋牆相信大家都仲好有印象。近日阿嬌現身國內機場時，手上所拎黑色Kelly再加上金扣，由於耐看又不失華麗，故堪稱經典經合，唔少女士都想入手，炒價約13萬。