組合天堂鳥（BOP）去年宣布解散，當中Tyrese（歐喬鋒）就選擇暫別娛圈，專注發展園藝生意，不過他亦會在未婚妻網紅Pumpkin Jenn的YouTube片中出現。最近他們一同玩情侶Q&A，Tyrese就大方回應二人收入差距的問題。

睇睇Tyrese求婚過程：

影片中，Tyrese講到：「呢樣嘢都係我努力嘅位，咁你（未婚妻）事實上喺事業成就同搵錢能力都比我高，所以我都好希望我哋可以一齊有更好嘅生活，所以我就要努力啲去做嘢，去建立我自己嘅事業。」至於被問到二人何時結婚，Pumpkin Jenn就稱要等Tyrese儲老婆本，她更大爆：「佢真係而家戶口都冇咩錢，唔好講結婚。（做咩爆我啲秘密？）佢而家好手緊。」Tyrese就解釋是因為公司剛剛經營的原因，但不想婚禮的費用由女方出，所以要儲下錢。

Pumpkin Jenn曾直認KOL錢易賺，她又與閨密Tawnia一同投資過百萬成立自家護膚品牌「WOKE UP LIKE THIS」，經營得有聲有色，非常厲害！