連詩雅曾被一腳踏兩船 寧接受對方肉體出軌:寧願佢話俾人強姦咗

撰文:董欣琪
出版:更新:

由連詩雅(Shiga)同蝦頭(楊詩敏)主持的網台節目《絲打圍爐》每集都會邀請嘉賓探討兩性關係,最新一集就請到衛詩雅(Michelle)擔任嘉賓,三人一起剖析「出軌男」,Shiga自言很沒有自信,更大爆曾被「一腳踏兩船」足足一年:「我就唔知點樣,係完全冇check底下,啲嘢係boom一聲喺我面前發生,我知道咗之後同佢講咗句,我話『我知道喇』,佢話『係呀,咁又點呀?但完咗㗎喇。』但原來之後嗰條刺好大囉,我已經唔再信任佢,慢慢覺得對住呢個人好可有可無,因為佢令我好失望。」

連詩雅(Shiga)表示沒有自信。(影片截圖)
Shiga自爆曾被「一腳踏兩船」足足一年。(影片截圖)

三人在節目中探討「寧願對方精神出軌,定肉體出軌?」,當中Michelle認為無法接受另一半肉體出軌,但Shiga反而寧願對方肉體出軌:「我會寧願佢好誠懇同我講,可能佢唔知做乜嘢,鬼揞眼或者飲醉咗,或者俾人強姦咗之類嗰啲,一下子嘅話呢,我可能真係會原諒佢。如果佢真係鍾意咗第二個呢,我會不斷地諗,好喇,咁你返轉頭,你會唔會又鍾意第二個呢?其實原來你已經唔係好鍾意我,或者係無論我再做啲乜嘢,可能已經唔會再得到你100%嘅心。」

Shiga反而寧願對方肉體出軌。(影片截圖)

而蝦頭就自言十分看重感情,所以她寧願另一半召妓,也不想對方在精神上背叛她,不過Michelle對於另一半召妓就表現得十分抵觸:「唔得呀,真係唔得,一嚟污糟啦,二嚟我會覺得你連呢一樣嘢你都控制唔到,你係控制唔到你自己人生喎,你嘅自制能力好低呀!好嬲呀!佢人生唔會成功呀!因為佢去叫雞!」場面搞笑!

Michelle對於另一半召妓表現得十分抵觸。(影片截圖)
無法接受!(影片截圖)

點擊下圖睇Shiga靚相︰

+90
你可能感興趣