【誇世代】歐陽震華心心手勢自稱宋仲基 幫坤哥改名做「Seven」

最後更新日期:

今年是TVB邁向50周年,除了早前張衛健回巢拍台慶劇《大帥哥》之外,亦有另一齣台慶劇—《誇世代》即將開拍。今日下午《誇世代》劇組於電視城進行拜神儀式,演員陣容非常鼎盛,包括歐陽震華、陳豪、張繼聰、田蕊妮、李佳芯、邵美琪及麥明詩登超過70名藝員出席。

歐陽震華係劇中角色叫「宋仲基」,點少得舉心心手勢啦。(黃國立攝)

今次歐陽震華(Bobby)在劇中的角色名叫「宋仲基」,Bobby笑言只係個名係一樣,「好似有少少醜化真嘅宋仲基,阿田就話各花入各眼啫。」而他亦透露劇中有好多演員都未合作過,「阿田係首次合作,仲有張繼聰,聽好多朋友講甚至我老婆都話,阿聰好好玩好多諗頭,之後都有好多場口,到時交流切磋下。」

坤哥(左一)俾歐陽震華同田蕊妮改名做「Seven」哥。(黃國立攝)

Bobby在儀式上亦提到,幫有份演出的吳業坤改了名叫「Seven」,「因為劇中有好多長輩,有John哥、Benz,如果佢哋叫佢坤哥好似好奇怪。」至於到底當中有咩意思?Bobby笑言因為吳業坤英文名「James」長氣,叫「Seven」易上口,「就係一個數字,其實劇中都幾「Seven」,好符合佢個名。」

陳豪嚟緊要操fit練大隻,大家期唔期待呢?(黃國立攝)

同場的陳豪今次就要操fit練大隻,因為要同森美有多場肉搏戲, 自己都好耐無練過,「對上一次已經係拍《天與地》,所以今次要向張繼聰指教。」而張繼聰聞言後都表示歡迎,亦指自己在劇中唔需要太露肉,「之前可能要鋼條身型,但今次就要大嚿啲。」

去年年底與TVB簽約的甄詠珊,她坦言自己好緊張,搞到皮膚都差咗唔少。(黃國立攝)

逾70位藝員出席《誇世代》的開鏡拜神。(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。