李施嬅41歲生日海中心除罩冥想　感激未婚夫送巨型心思禮物

去年2月李施嬅上載手戴巨鑽拖實另一半宣布婚訊，因疫情關係婚禮一直未舉行，2月12日是李施嬅41歲生日，雖然仍未做人妻，但未婚夫車崇健（Anson Cha）亦花盡心思博愛人一笑。

李施嬅上載於水中心做瑜伽冥想的照片，藍天白雲四野無人，除下口罩呼吸新鮮空氣，已是現在最幸福的事。壽星女開心留言：「多謝Anson呢個生日禮物，第一次踩住佢到海中心冥想、做瑜伽，最神奇係成部單車可以放入個背囊孭住走。之前玩過話好鍾意，原來有人記住左。真係祝你身體健康嘅生日禮物啦！謝謝你。」Anson仲做埋「跟得男友」，陪出海陪幫忙搬運水上單車，非常貼心。