李成昌演盡奸角 最想體驗被十個女仔暗戀:如果畀我揀就法拉囉

撰文:董欣琪
出版:更新:

現年64歲的李成昌入行43年以來,演活過不同類型的角色,無論是忠還是奸、由小角色到大人物,李成昌的演出都收放自如,演技絕對是出神入化!李成昌於1979年第八期無綫電視藝員訓練班畢業後加入TVB,至今已經長達43年,更被封為「TVB最忠心演員」,不過近日他在TVB娛樂新聞台節目《星光路上》中就自爆有意北上發展,希望作出新嘗試!

李成昌在TVB娛樂新聞台節目《星光路上》中大談演藝生涯。(YouTube影片截圖)
李成昌當年出道不久就獲曾勵珍賞識,加入處境喜劇《香港八一》,飾演性格樸實的內地新移民青年康仔。(YouTube影片截圖)

李成昌當年出道不久就獲曾勵珍賞識,加入處境喜劇《香港八一》,飾演性格樸實的內地新移民青年康仔,這個角色令他名利雙收,但卻一度成為他演藝生涯的絆腳石:「嗰陣時拍《黃金十年》冇乜戲嘅,但有一日我哋喺廠,導演撳咪落嚟成個廠都聽到晒,『喂,李成昌,你仲係康仔喎!』」對他來說算是一大打擊,但他自此慢慢改,結果被潘嘉德睇中,在《旭日背後》中挑戰演奸角:「嗰個角色有得發揮,同埋節奏上可以畀我慢慢揣摩,嗰個戲開始我就捉摸到喇,之後啲人成日搵我做奸角。可能佢哋覺得我衰得嚟呢,另外一種風格,我不嬲做奸呢,唔會將個角色去到好盡,我都會擺一啲輕鬆嘅嘢落去,令到觀眾唞唞氣。」

李成昌被潘嘉德睇中,在《旭日背後》中挑戰演奸角。(YouTube影片截圖)

李成昌演過的奸角多不勝數,但其實他演繹滑稽可笑的角色同樣出色,戲路甚廣的他宜奸宜忠,爐火純青的演技一早已得到觀眾的認同,但這麼多年來他只在《萬千星輝頒獎典禮2012》上獲得「傑出演員大獎」,不過對於獎項,李成昌就淡然面對:「唔緊要,我成日覺得攞獎係鼓勵,有觀眾欣賞、監製欣賞、公司欣賞,我已經覺得好足夠,留返啲機會畀後生仔、後生女攞個獎,我覺得比我高興十倍。」

李成昌在《萬千星輝頒獎典禮2012》上獲得「傑出演員大獎」。(視覺中國)

重溫精彩演出:

+31

轉眼間李成昌已經加入TVB 43年,雖然他未曾想過退休,但就希望轉換一下新環境:「我哋俗稱叫『老人騷』,睇下同你簽幾個囉。我意思就希望可以北上去見識下,睇下人哋呀嘛,有機會去荷里活我都去!又可以喺公司拍下,又可以同唔同嘅人,呢個最理想。不過如果叫我返大陸呢,有一樣嘢我就接受唔到,就係喺Disco唱歌,嘩,Disco嗰啲直情打到你個心……我諗我歌詞都唔記得喇,點唱呀?」

李成昌直言希望北上見識下,但就堅拒在酒吧登台唱歌。(YouTube影片截圖)

李成昌參演過過百套劇集,橫跨幾代觀眾,無論是什麼角色都難不倒他,不過原來他還有一個心願,希望在劇中享下齊人之福:「我真係好想做一個有十個女仔同時暗戀我,後生嗰時有女朋友呀、Kiss戲都有過,但而家唔好講十個呀,一個都冇呀!咁所以而家,各位監製、公司高層,整返套十個女仔暗戀我咁就真係……唔使主角㗎,閒角都得㗎喇。(畀你揀一個,其中一個女仔會係邊個?)如果畀我揀一個,法拉囉!法拉姐!」相當幽默!

李成昌笑言想在劇中享下齊人之福,體驗一下被十個女仔暗戀的感覺。(YouTube影片截圖)
李成昌首選係陳法拉,真係識揀!(IG@falachenfala)
+10