《東張西望》作為TVB嘅王牌節目之一，有收視收口碑。不過近日發生連環報道錯誤事件，先有吳幸美、阮嘉敏分別在節目中提到10號開始進入商場要用安心出行；繼而係陳庭欣喺今晚(14日)節目一開始，提到疫情日益嚴重，並表示：「繼尋日有3千確診， 今日亦有兩千多確診。」

確診數字連日創新高，之不過，睇返衞生防護中心嘅公告，星期六(12日)新增1,514宗確診個案，逾1,500宗初步陽性，而昨日（13日）確診個案共1347宗。喺《東張》第一節完結之前 ，陳庭欣即時作出補飛：「作出資料更正，頭先喺第一個tag我哋提到昨日確診數字係3千，但正確數字應該係1347。」認錯最緊要快，陳庭欣呢個絕對係最佳示範。