《造星III》靚仔醫生Jensen轉戰急症室染疫：喺最前線想唔中都難

ViuTV選秀真人騷《全民造星III》參賽者Jensen（蘇浚祈）有「靚仔醫生」之稱，原來參賽時任職腦神經外科醫生的他，最近便轉戰醫院急症室，卻不幸感染新冠肺炎變種病毒Omicron，他在社交網站帖文中透露自己本來已經報名到亞洲博覽館的社區治療設施幫手，但兩日前開始咳嗽、喉嚨痛，及後接受唾液樣本檢測，結果呈陽性，須隔離十四日：「過去一段時間已經完全冇返過屋企，冇接觸過咩朋友連出街食飯都冇乜，幾肯定係受到醫院內嘅病人感染，每日喺最前線面對面睇無數嘅確診症想唔中都難。」

點擊下圖觀看Jensen靚仔相：

另外，Jensen又指Omicron沒有想像中恐怖：「我依家連上個月普通感冒症狀嘅三分一都冇，呢個都係歸功於疫苗嘅功效，因為COVID嘅疫苗唔係要保護你唔受感染，而係幫助你一旦受感染嘅話症狀同併發症可以減少。」而他亦非常擔心戰友、獨居長者的情況：「希望兩星期後我都可以重新披上白袍上陣。」