陳意涵超豪獨立屋擁無敵山景　勁大私人花園兼私家𨋢方便上落

陳意涵平時愛運動，特別係跑步，近日佢雖然腳傷要留在家中，但一樣無時停。日前佢發文表示「扭到腳也阻止不了我的過動」。短片中，只見身處家中二樓嘅陳意涵坐住囝囝「小初」嘅玩具車代步，車車去到旋轉樓梯位置時，陳意涵煞停再迴轉，原來係要去乘坐私家𨋢。

陳意涵婚後同老公導演許富翔育有一仔一女，由佢平日分享嘅影片所見，一家四口所住嘅地方應該遠離市區，露台以及主人房均坐擁一望無際嘅山景；而屋外除有小花園之外，更有一間瑜伽屋，方便熱愛運動嘅陳意涵使用，面積過百呎嘅瑜伽屋，如半透明的樹屋一樣，曾有網民留言大讚瑜伽屋嘅設計，陳意涵回覆表示「許先生送我的禮物」。