J2推節目《CP訓練營》被指似《雙層公寓》 C君澄清︰完全唔係!

撰文:李婉文
出版:更新:

「香港國際影視展(線上版)」(FILMART Online)於2022年3月14至17日舉行。無綫(TVB)以大量新劇集和綜藝節目參展,當中主打年輕觀眾路線的J2台,也即將推出8個新的綜藝節目。J2收視一向沒有翡翠台的高,J2台創意總監C君(鄭詩君)接受《香港01》訪問時直言︰「我哋又唔係要孭住幾多十點(收視),我哋咪可以有好多嘅空間去試。」

其中一個節目是由森美和周錫漢主持的《呢首歌係我特別為你而寫嘅》,收集觀眾的故事成為新歌的創作元素。創意總監C君說︰「音樂節目一直都好想做,咁啱有團隊創作咗個揉合音樂創作同人物故事嘅節目我覺得好有heart,而我之前嘅歌詞好似就形容緊呢個節目咁,所以有個咁嘅名嘅構思。」(資料圖片)

J2在FLIMART參展的節目是籌備中,C君明言「全部節目都係所有幕後參與」, 這也是他個人的工作習慣,他強調︰「冇嘢係可以一個人諗得晒。」一次過推出8個新節目,C君表示︰「我答唔到點為之大搞點為之細搞,總之就唔係唔搞。淨係希望做好節目,冇特別諗突唔突圍。FILMART嘅節目都喺籌備階段,而且都係認為有趣嘅ideas,希望真正製作出嚟係好睇。」

《意外步出》由Inez主持。(IG@inez_leong)

8個節目中,有人指《CP訓練營》撞橋《雙層公寓》(Terrace House)等節目,但C君表示「完全唔係」,《CP訓練營》並不是「Dating Show」,團隊向他「sell橋」時,他覺得幾有趣。根據TVB的節目簡介描述,《CP訓練營》是「螢幕情侶訓練營」,簡介寫道︰「以大學Ocamp形式,安排年輕單身男女演員入住大屋相處一室,為他們進行屏幕情侶的戀愛和演藝訓練。透過幾位異性拍檔的約會和排戲,看看他們會否日久生情。最後選出來的一對最佳屏幕情侶將會合作出演劇集。」又寫道︰「俊男美女朝夕相對,漸生情愫,多角關係隨時比劇本更精彩。」

另外,《貧窮限制想像》是由方紹聰(奶仔)主持,節目組將與奶仔一齊體驗各種難以想像的奢華生活,聽上去好似幾吸引,但也有離地之嫌,C君表示︰「所以咪點解搵奶仔!奶仔佢當然唔係一個富翁,所以佢會見到呢啲嘢嘅時間,佢會覺得原來有人係咁生活!」讓觀眾看得更加投入。另一個節目《意外步出》,原來並非一個野外求生節目,而是面對意外時如何應對,包括城市及家居的意外,更找了洪太梁諾妍(Inez)做主持,C君說︰「搵Inez係因為佢運動好叻、人又好聰明好親和。」但他明言節目仍在初步構思,希望她可以擔當主持。

點擊下圖看8個節目和簡介︰

+3

講到J2台收視低的問題,C君就看到另一面的好處,「我覺得佢同時間又畀多啲空間你可以做多啲唔同嘅節目,我唔需要serve緊好多好mass(嘅觀眾)」,可以「有好大嘅嘗試空間」。J2的路線主打年輕觀眾層,C君避談會否跟ViuTV相似,只說現時也是嘗試的階段,「所以我成日都覺得試吓先啦大家,慢慢做吓先,我成日都係希望啲節目係好睇,同時間我哋又唔係好大嘅包袱,我哋又唔係要孭住幾多十點,我哋咪可以有好多嘅空間去試。」他又指自己好似一個看更一樣,看住不同團隊,不希望介入太多創作,「咁如果全部我諗我要介入,咁咪冇咗佢哋團隊嘅特色?我係唔會咁。」講到跟ViuTV的比較,他直言︰「做任何嘢大家都比較㗎啦!最緊要係自己點諗,我哋首先做好自己嘅節目先啦!我都希望係咁,以往都冇呢個角色做呢個看更,我而家咪做看更囉!」他又說︰「最好係去到有一日看更都唔使就正啦!咁就證明治安好好啦!」

《醉後冇事》由袁鎮業夥拍鄭詠謙、朱樂洺、黃潤成主持。(IG@kelvinyuenyip)

不過,現時J2台的黃金時段,有時會重播舊節目,的確是一大弊病,C君回應這個問題時明言︰「陸陸續續啦!慢慢啦!我成日強調,大家都問,我都係強調嗰樣嘢係慢慢嚟啦!答唔到太多嘢,慢慢做,希望大家睇到。」

點擊下圖看TVB在FILMART推出的其他綜藝節目︰

+2

還有ViuTV出現在FILMART已播出或未播出的節目︰

+7

同場加映︰邊位應屆港姐最受重用? 陳聖瑜又主持新帶貨節目威過冠軍宋宛穎

邊位應屆港姐最受重用? 陳聖瑜又主持新帶貨節目威過冠軍宋宛穎
+32