愛回家︱Bonnie蔥頭接吻激嬲粉絲 監製劇透「安Bon」隨時復合

撰文:陳芷穎
出版:更新:

無綫(TVB)處境劇《愛.回家之開心速遞》中,金城安(周嘉洛飾)和Bonnie(林凱恩飾)絕對是最受歡迎CP之一,早前劇組安排「安Bon」分手,令網民大感不捨。昨晚(14日)是白色情人節,劇情講到安仔難以接受與Bonnie分手的事實,不停致電身邊人大吐苦水。為了讓安仔徹底死心,Bonnie決定與蔥頭(丘梓謙飾)假扮情侶,並叫朱凌凌(吳偉豪飾)拍下他們親熱的畫面。Bonnie與蔥頭原本打算借位接吻,沒想到突然有老鼠出現,令二人真的接吻,安仔死心並向Bonnie送上祝福。

昨晚是白色情人節,Bonnie與蔥頭接吻令「安Bon」粉絲大感不滿。(影片截圖)

不過劇集播出後,一眾「安Bon」粉絲非常傷心,並在社交平台發文表達不滿:「大家都知我哋好有耐性咁等咗一個月,俾咗超過一個月機會嘅時間編劇去收拾自己製造嘅殘局。但係去到今時今日,不可原諒!尤其係許世軒編劇,你冇嘢吖嘛?幾年來冇寫過一集好嘅安Bon主線都唔係問題,唔想寫咪好似以前咁一直唔寫,但唔係而家咁樣亂咁搵嘢嚟寫!」

對於網民的不滿,監製林建祥回覆《香港01》時表示開心:「好事好開心,大家睇得投入,緣份就係咁,集集都Happy Ending咩?好多謝佢哋支持,會繼續寫落去令大家緊張。佢哋(安Bon)要經歷過先會珍惜對方,亦都唔排除會分開。」

不過劇集播出後,一眾「安Bon」粉絲非常傷心,並在社交平台發文表達不滿。(IG截圖)

至於周嘉洛就有以下說話想同「安Bon」粉絲講:「金城安好傷心,因為佢以為Bonnie已經移情別戀。但作為觀眾,我覺得佢哋只係分別成長緊。生命中往往有好多唔如意嘅事情,但塞翁失馬焉知非福,有時有啲嘢,唔試唔會知結果,就好似佢地嘅開始一樣。我會拭目以待故事之後嘅發展。」

對於網民的不滿,監製林建祥回覆《香港01》時表示開心。(資料圖片)

點撃睇Bonnie、蔥頭Kiss:

+12