張國榮逝世|認初出道唔識唱歌 拍電影機會更多:希望唔再做毒藥
2003年4月1日,張國榮(哥哥)於香港文華東方酒店一躍而下,結束了自己的生命。雖然已經過去19年,但世界各地的歌迷、影迷仍難忘哥哥昔日的風采。TVB大寶藏今日(1日)公開了一段張國榮當年在《歡樂今宵》中回顧演藝路的短片,片中他坐遊艇出海,他自言做藝人做藝人壓力大、生活節奏快,所以他一有時間就會出海,享受陽光,十分減壓。
張國榮在1977年參加麗的電視舉辦的亞洲業餘歌手大賽奪得香港區亞軍後入行,翌年推出首張專輯,並在第二屆香港金唱片頒獎典禮中獲獎,不過講起這段入行經歷,他就表現十分謙虛:「好衰唔衰以為自己好識唱歌,又好衰唔衰畀我贏到亞軍,有一間唱片公司簽我唱歌啦,嗰陣時可以講真係亂咁唱,唔識咩叫唱歌,出咗兩隻碟,完全嘅失敗應該講,一隻中文,一隻英文,唱片公司亦都冇咁嘅心再去栽培我,放棄咗我。」
張國榮在加入麗的電視後參演了多部劇集,之後再踏上銀幕,1980年代初期,他參演了一系列青春偶像派電影,如《喝采》、《檸檬可樂》、《烈火青春》等,憑着前衛不羈、反叛但俊俏的形象大受觀眾歡迎,但張國榮就笑言:「青春片嗰陣時其實就賣座嘅,不過畀我拍就唔係咁賣座喇,唔知點解拍極都仲有好多導演搵我拍戲。」直至1986年張國榮在電影《英雄本色》中飾演警官宋子傑,他直言這是他的轉捩點,翌年他在電影《倩女幽魂》中飾演寧采臣:「拍咗一部最辛苦嘅古裝片,呢部古裝鬼片拍咗半年時間,而家要睇票房啦,希望唔好再做毒藥。」
而張國榮所飾演的寧采臣亦成為香港電影史上經典的書生形象之一,1987年他憑《英雄本色2》獲提名香港電影金像獎最佳男主角,翌年他再憑《胭脂扣》角逐金像獎影帝,張國榮坦言他對這三部電影寄望很大。講到由歌手入行再跨足電影界,張國榮就表示拍電影機會更多:「我係一個比較慢熱啲嘅藝人,要畀我好多練習先可以有好表現。其實做藝人同做每一行都一樣,我諗都係要畀多啲時間,同埋畀多啲畀多啲經驗佢哋累積,先至可以做到好嘅嘢。」事實上張國榮無論在樂壇還是影壇都是天王巨星及標誌性人物,更是華人世界流行文化中最具有影響力的人物之一!