郭奕芯擁驕人身形自爆煩惱多 被非禮竟反被指醜樣:嗰下勁嬲!

撰文:陳芷穎
出版:更新:

由楊詩敏(蝦頭)及連詩雅(Shiga)主持的YouTube節目《絲打圍爐》最新一集的主題是「胸大的煩惱」,並邀請形象性感的郭奕芯(Ashina)擔任嘉賓。對於被標籤為「身材好」及「胸大」,Ashina說都值得開心:「起碼唔係核突標籤,唔係好肥、好醜樣,身材好都OK。」身材好卻為Ashina帶來不少煩惱,她坦言做運動時會感到尷尬,出街又會吸引途人的異常目光。

Ashina大談「胸大的煩惱」,並指做運動時會感到尷尬。(影片截圖)

雖然外界認為Ashina擁有驕人身形,但她卻不認同,數年前更有隆胸念頭:「唔覺自己大胸,我覺得係正常有肉地,肥得嚟平均。人哋覺得我大胸,我其實唔係好大得C,幾年前諗過(隆胸),但諗諗下都係唔好,我一做咗就係假,假就係假,返唔到轉頭。」

擁有豐滿的上圍,Ashina直言有很多煩惱:「夏天會着背心落街買嘢食,都好多人望住,真係好普通一件背心,但因為貼身會成條線。」做運動甚至拍戲時,亦會因為身形而感到尷尬,她說:「去做運動着Sports Bra,我唔係特登要條線,但做運動要上上落落。我唔想俾人感覺係我一落就係俾人睇,或者我有嘢畀你睇。我健身教練會話我一跳,個胸彈下彈下,會好尷尬。有時拍戲,要好快行落樓梯,個胸都會彈下彈下,超尷尬。」除此之外,Ashina指經常收到網民的私訊,內容更非常露骨,街上亦會有中年大叔直視自己的胸部。

雖然外界認為Ashina擁有驕人身形,但她卻不認同,數年前更有隆胸念頭。(IG/ @ashinaaa)
+5

被問到有否因身形好而遇上不快事情,Ashina坦言有一次去髮型屋疑被非禮:「去Salon洗頭咪會放條毛巾喺心口,我Feel到佢隻手輕輕掂到我個胸,但我唔係好肯定。」蝦頭和Shiga追問她當時有沒有出聲,Ahina說沒有亦勾起從前的不快回憶:「幾年前同男朋友同埋佢屋企人喺酒樓食飯,行過有個男人掂我大髀,嗰下好嬲就同個男人理論,男朋友屋企人喺度,可能我男朋友覺得好失禮,問我有冇記清楚,個男人仲要講『你咁醜樣,點解要摸你?』,嗰下勁嬲。」

+25

Ashina續指當時報警處理,男人被多番盤問下承認和道歉,警察叫她息事寧人並說如果要出庭、落口供等,浪費的是自己時間,蝦頭聽後生氣搖頭,Ashina說自此之後便多加小心:「報警啲人又話你想曝光,你又冇證據,又冇閉路電視影到,我而家就少啲搭地鐵。」