《真係唔好笑》耗資千萬 傳總經理睇試片後覺得唔好笑

撰文:陳芷穎
出版:更新:

正所謂一朝天子一朝臣,曾志偉入住TVB後,銳意拓展綜藝,除了親自落場主持《講你都唔信》,亦要捧一些新人上位,當中以入行12年的方紹聰(奶仔)最得歡心,最近擔任《講你都唔信》做主持,拍住總經理、大師兄錢嘉樂,原來只係小恩小惠,內部傳出半年前更獲高層揼水過千萬,拍攝新節目《真係唔好笑》,據知為港版《Running Man》,每集一百萬成本,而且一共13集,即TVB用了1300萬拍攝,但最奇怪的是有傳總經理曾志偉看畢《真係唔好笑》首集,覺得真係唔好笑,令這個節目上映無期。

奶仔、何廣沛、郭子豪備受力捧,月中黃金時段亦會播出他們三子的作品《食腦喪B》。

電影級班底拍綜藝

奶仔、郭子豪和何廣沛組成的「食腦三子」早前亦錄製新遊戲節目《真係唔好笑》,據知三位不單止是主持,更是這個節目的主腦,而今次拍攝規模非常龐大,奶仔透露每次拍攝都要出動四、五十名工作人員:「有7位主持,『食腦三子』、麥美恩、馮盈盈、彭慧中同羅毓儀,啲期難度都拍咗半年。隊Crew真係好大,有十幾個攝影師,似《Running Man》每個跟住一個,又有PA、寫稿,每次出Crew都有四、五十人,有時要轉妝真係有沖涼車。見到都覺得好誇張,冇試過製作規模咁大,每次拍都好開心好似玩遊戲咁。」

有傳《真係唔好笑》製作費一集要100萬,共13集的節目就要花上1300萬。(資料圖片)

總經理睇完覺得唔好笑

有傳《真係唔好笑》製作費一集要100萬,共13集的節目就要花上1300萬,動用如此龐大的製作費,問到曾志偉對製成品有什麼意見,奶仔說:「大製作係TVB少有,所以好期待。唔知志偉哥諗法,我相信好好睇,呢個陣容好新鮮大家冇見過。」又有指志偉看完第一集後覺得「真係唔好笑」,而令節目播出無期,奶仔表示:「呢方面冇聽過」。至於節目何時播出,他則指不知道要並問監製。

+2

有傳TVB高層覺得「食腦三子」用心經營YouTube頻道「食腦 BrainStorming」,感覺像人氣強勁的試當真,所以高層才揼水給三位大攪綜藝,而奶仔接受訪問,表示自己視「試當真」和「小薯茄」都是他們的學習對象:「每個星期都出片,台前幕後嘅工作都由我哋負責,我會做導演、編劇,何廣沛都會做導演,郭子豪做公司CEO,希望愈行愈前。試當真、小薯茄都係我哋學習對象,覺得佢哋好成功,我哋而家都有唔少廣告,希望可以努力做大啲。」

+1
你可能感興趣