360秒人生課堂|Celia K.郭玥彤無悔做𡃁模 女兒讚賞成最大成就

撰文:洪曉璇
出版:更新:

36歲的Celia K.郭玥彤(前名郭穎兒),未到20歲入行做𡃁模,曾主演電影《一路向西》及《喜愛夜蒲3》,2016年嫁富商先後誕下3名女兒。近日她接受好友Bob林盛斌邀請,在《360秒人生課堂》分享入行追夢的經歷,提到𡃁模身份加上拍攝過三級片壓力大至當場落淚。

Celia K.郭玥彤𡃁模變敢言KOL BOB林盛斌力撐:事事親力親為

Celia K.一家八口確診囡囡燒至42度 分享自救經驗:生病並不可恥

郭玥彤𡃁模時代叫郭穎兒,她自嘲當時只是別人眼中的「死𡃁模」。(影片截圖)
Celia K.郭玥彤(前名郭穎兒)同當年好多𡃁模一樣,推出過寫真集。(網上圖片)

郭玥彤𡃁模時代叫郭穎兒,她自嘲當時只是別人眼中的「死𡃁模」:「08年至12年左右,只要5呎差幾吋,有少少青春幾分姿色,肯長期打開心口,最緊要出返本寫真集,外間就會統稱為𡃁模,但唔代表就係女神,而係前面加多一個字:死𡃁模。」初登大銀幕已是三級片:「無錯我係唔需要露點,但7成時間都喺床上演戲,第一日到片場就同三唔識七麻甩佬喺床上碌咗十一個鐘,不禁去洗手間喊,要喺咁多人面前赤裸演出真係有啲難堪。」連續3套電影都較多肢體動作的戲份,故她笑言:「我嘅肢體動作係獲得肯定嘅。」

+6

為追夢而努力,但卻因𡃁模身份被當時男友媽媽睇低:「佢問我會唔會考慮唔好做唔三唔四嘅𡃁模,搵返份正正經經嘅工,原來我嘅努力有人覺我唔三唔四,嗰一刻覺得好可悲。」到婚後生下3個女兒,曾在媽媽群組被認出:「問我點解突然從良。」直到有次女兒看到她在《喜愛夜蒲3》的演出:「佢叫我唔好關電視,同我講媽咪你做得好好呀,估唔到等咗8年,第一句讚賞是來自女兒,咁多年我就算喺演藝圈無任何成就,原來依家我有個家庭有三個小朋友,已經係我最大成就。」Celia更邊講邊喊:「啲人問我有冇後悔做𡃁模,我從冇後悔,呢8年嘅磿練,令我變得堅強和有毅力,成就今日我做一個好媽媽。」

郭玥彤CELIA K提到囡囡一句讚賞令她非常感動。(影片截圖)

點擊睇更多Celia K.一家及豪宅照片!

+40