戴祖儀尊稱周嘉洛做「嘉洛哥」 偷師學做戲：我都係入鄉隨俗
撰文：林迅景
出版：更新：
戴祖儀於《回歸》一劇中飾演張萊，日前（29/04）探班活動中，她接受《香港01》訪問時說：「我呢個角色比較獨立自強，所有嘢都好叻，所有嘢都好有魄力，會同周嘉洛比賽。」她表示，這個角色帶些潑辣，與以往甜美的形象非常不一樣。
戴祖儀在《回歸》一劇中騷長腿。（葉志明攝）
戴祖儀表示，同劇演員經驗都相當夠，而自己只是一名新演員，所以很多時候都能夠在他們身上偷師，說：「每論係安哥（郭晉安）定嘉洛哥（周嘉洛），哈哈哈，因為大家都咁叫，所以我都係入鄉隨俗跟住叫嘉洛哥，同埋佢真係前輩嚟，19，20歲喎，佢仲要做安哥個仔，所以大家都叫尊稱為嘉洛哥。」
戴祖儀指郭晉安是非常好的學習對象。（葉志明攝）
她笑說：「不得了，你知我哋要趕進度好少時間休息，但係佢又同時孭住幾套戲，但係佢都可以不停keep住有活力，off-cam又可以不停講嘢，所以我非常之敬佩佢。」同時戴祖儀也表示郭晉安才是真正的前輩，親身見到他出演才明白他成功之處，說：「臨場睇就feel到佢嗰種，每句演釋全部都有諗過度過，同埋抑揚頓挫，所以我都乘機偷吓師。」
+11