回歸｜郭晉安讚周嘉洛好勤力 畀空間後輩發揮：諗起入行時候嘅我
撰文：林迅景
出版：更新：
郭晉安、陳煒和周嘉洛、吳偉豪、戴祖儀、游嘉欣等年資較淺的演員合演劇集《回歸》，日前（28/04）《香港01》到往拍攝現場訪問，談起幾位後輩時，郭晉安也讚不絕口，說：「佢哋冇問題㗎，我覺得每個人要有自己個性，發揮個個性就得。」
郭晉安讚周嘉洛好勤力。（葉志明攝）
郭晉安續說：「基本上大家都好勤力，大家埋位都傾有講，點樣去演出每一場戲。因為群戲比較多，所以一定要傾好，如果唔係節奏就會好亂。（見到周嘉洛）當然會諗起入行時候嘅我，當然（我嗰時）會辛苦啲，因為冇咁多科技，好多動作要自己做。我同佢（周嘉洛）分享返嘅時候，話嗰時好多動作都唔識打，入到行先去學，變咗每日都得幾個鐘頭瞓，場口與場口之間就去學。我同佢講返之後，對佢嚟講係幾驚訝，佢聽到擘大個口得個窿。」
郭晉安表示今次合作的新演員，個個都好努力。（葉志明攝）
郭晉安同新演員關係好好。（葉志明攝）
郭晉安又說，他覺得周嘉洛和吳偉豪在現實生活中的性格都不一樣，所以合作的時候，他反而會推動他們去發展自己的個性，說：「將佢哋裡面嘅嘢發放出嚟，但係唔好話教，我只係畀個空間，令佢哋對住我好開心好放心。」