婚後事｜陳自瑤重視愛女十歲生日：如果我無陪佢一定會唔開心
撰文：鄺鈺瑩
出版：更新：
陳自瑤與羅子溢日前在中環拍攝新劇《婚後事》。（陳順禎攝）
陳自瑤於無綫新劇《婚後事》首次擔正女一，與羅子溢飾演一對離婚夫妻。由於劇本有不少情婚戲，連開心戲都要喊，陳自瑤坦言有一定壓力。日前兩位主角連同劇中嘅女兒齊齊喺中環開工，一家三口看似和諧，完全看不出婚姻破裂。埋位前，陳自瑤一直在旁培養情緒，甚至在拍攝完成後，繼續留在餐廳內與導演研究剛剛的戲份，十分認真。
完成拍攝後，陳自瑤捉實導演討論。（陳順禎攝）
陳自瑤接受訪問時提到不少戲份就算是看似普通，但由於當中包含了不少感覺，需要演繹得較為細膩，所以經常會擔心自己做得唔夠好。「每日返工都好似要去打仗咁，每場戲都要用心做好，唔可以話邊個冇咩所謂。」
陳自瑤日前在IG分享QQ的生日蛋糕，王浩信亦都有like，但未有留言。(ig圖片）
「打仗」雖然重要，但都不及女兒緊要，日前陳自瑤特地向戲組請假一天與愛女王靖喬（QQ）慶祝生日。「好重視，因為十歲生日，都係一個值得紀念嘅日子，同埋我覺得小朋友生日，如果媽咪唔喺身邊……如果我無陪佢，佢一定會唔開心，所以就點都要請假陪佢，都好多謝劇組肯放人。」問到送什麼生日禮物時，陳自瑤就話是自己的一日假期。問到身為爸爸嘅王浩信，可有從內地致電回港為女兒祝賀，陳自瑤就即時落閘表示：「呢啲我唔講、唔回應啦。」
陳自瑤表示看到QQ開始變成少女，各方面都有自己的想法時，會甚為感觸。（陳順禎攝）