黃榕慘遭變態網民性騷擾 勁收情色照片驚魂未定：有堆白色液體
撰文：盧凱瑤
出版：更新：
黃榕今日（4/5）現身尖沙咀出席NFT展覽開幕典禮，在接受《香港01》訪問時，Gloria直言：「我覺得自己好Out啊，因為初時我唔知乜嘢係NFT，我要去Google先知道同元宇宙有關。」問到有否想過與其他明星一樣發行NFT，她就激動表示：「有呀，唔可以咁Out要同潮流並進，同埋可以賺錢。」
黃榕出席NFT展覽開幕典禮。（葉志明攝）
談到網絡生活，黃榕亦便自爆早前收到網民「奇怪訊息」：「前日我起身睇電話，見到有個唔識嘅人話『有禮物送畀你』，點開後就見到一堆白色液體嘅相，嚇到掉咗部電話！」她又透露：「自己好耐冇收過呢啲相，好耐以前影寫真個陣嘅時候先會收到，曾經試過收到被放大男性器官嘅相，真係好耐之前，已經唔記得呢種感覺，所以好驚。」
雖然黃榕曾嘗試過封鎖對方帳號，但是道高一尺魔高一丈，對方又會再註冊帳號，繼續騷擾她。隨後，黃榕亦自爆曾疑似遭到網民跟蹤而報警：「好耐有人直情知道我嘅地址，自己仲收到Ｍessage話，『我係樓下見到你』，令我覺得人身安全受到少少威脅就報咗警。但係好似相呢啲唔係太過份就算啦。」
黃榕指自己至今驚魂未定。（葉志明攝）