梁嘉琪曾懷疑自己患糖尿病　「資深患者」劉錫賢：賺錢為結交醫生

敖嘉年和梁嘉琪主持的香港開電視首個處境喜劇節目《嘉嘉醫療自助班》，逢星期六晚上9時30分播映。節目以探討健康為題，本周六（7日）主題是糖尿病，並請來「資深糖尿病患者」劉錫賢擔任嘉賓，兩位主持人與劉錫賢更即場「篤」手指驗血糖指數，期間梁嘉琪更大叫緊張。

節目中，三人即時驗血糖指數，結果統統「合格」，讓梁嘉琪鬆一口氣。她透露曾懷疑自己患糖尿病，她說：「有段時間成日都好口渴（糖尿病病徵之一），加上又瘦咗好多，所以好擔心。」

點擊下圖觀看節目精選畫面：

至於有20多年糖尿病病史的劉錫賢，透露現時靠藥物控制血糖，笑言自己賺錢並不是為養家，而是為結交醫生，他笑說：「體型令身體出現唔少問題，切身問題就係糖尿病，人哋就三高，自己就乜高都有，我都好討厭糖尿病，無端端跟咗我20幾年。」劉錫賢更籲愛吃的梁嘉琪小心飲食，他謂：「敖嘉年一向茹素，所以唔擔心佢會有三高，但嘉琪就驚啲，因為佢畀我嘅感覺係好為食，不過唔緊要，佢仲後生，仲有好多時間，唔好學我咁賺錢同醫生做朋友。」