康子妮不捨大仔出發去日本留學　林曉峰內地吸金無法親身送機

康子妮與林曉峰雖然已經離婚，但再見亦是朋友，共同照顧一對兒子林寶及林熙。日前康子妮在IG Post出一系列送機相，並寫道：「送機連環圖 #第一次自己搭飛機 #唔願走症後群 #唔捨得佢哋越黎越大粒 #放手讓他成長。」相中所見康子妮同細仔林熙一起到機場送別大仔林寶，雖然康子妮並沒有透露林寶讀邊間大學以及科目，但就有hashtag「nagoyajapan」，可見林寶今次的目的地是日本名古屋！

其實康子妮同兩個仔一直感情好好，現年18歲的林寶已經6呎高，走型格路線的他被大讚似足韓星，去年曾有時裝品牌邀請林寶影廣告照，當時他已經被視為星二代中的潛質股，不過其後康子妮就以囝囝學業為重推掉不少工作邀請，今次林寶去日本留學，相信康子妮都十分期待兒子學成歸來，但爸爸林曉峰近期因為忙着在內地工作，無法親自到機場送別兒子。