郭晉安沽紅磡工廈勁賺過千萬 胞姊去年沽同一大廈單位賺得更多
撰文：鄺鈺瑩
出版：更新：
郭晉安同歐倩怡結婚多年，雖然歐倩怡冇樓摌手，但附屬卡任用。(郭晉安歐倩怡@微博)
東鐵線過海段早前正式通車，帶旺紅磡區住宅物業和工廈樓價。根據土地註冊處資料顯示，磡民樂街駿昇中心其實一個單位，本月初以1874.4萬元售出，呎價5500元，業主於2007年時以550萬買入，持貨15年，1324.4萬元，賺約2.4倍，而呢位業主，就係曾經話過一年一劇都夠過活嘅郭晉安！
駿昇中心於1992年落成，總面積49.42萬平方呎，提供多達186個單位及59個車位。(網上圖片)
郭晉安的胞姊、保健品品牌草姬國際的創辦人及主席郭致因（GAMMY），在2021年1月份以3,240.64萬元賣出同一大廈嘅單位，面積6,232平方呎，較2007年買入價1,171萬元，大幅賺約2,069萬元，升幅約1.8倍。睇嚟兩姐弟喺投資方面都同樣出色。
郭晉安為咗屋企人嘅將來，所以投資物業。(微博圖片)
同唔少藝人一樣，郭晉安喜歡投資物業，名下5個物業總值9000萬。他曾經講過投資係因為擔心先生萬一有咩事，太太可以將物業變賣，再用呢筆錢嚟到生活或者供養仔女上大學。郭晉安雖然有唔少物業，但就無一個係同太太歐倩怡聯名，原來係歐倩怡討厭處理繁瑣文件，所以每次置業，佢都會一個人去律師樓處理好所有文年同手續。