魯振順與女友黃昏戀突被爆分手 激動澄清︰大吉利是過佢咩烏鴉口

撰文:李婉文
出版:更新:

現年65歲的魯振順於2020年重遇逾40年前曾一同參加歌星選拔賽而認識的女同學Julie,Julie比他小6歲,女方因看到他的訪問而主動聯絡,二人展開了「黃昏戀」,而他們亦原本計劃於今年搞婚禮結婚,魯振順上年接受訪問時更透露準備去驗精,為生育下一代作準備,願婚後上天能賜予他們一個孩子。不過,《香港01》收到讀者爆料,指二人感情有變,更「實牙實齒」肯定他們已分手,這名讀者更直指Julie是有心部署向魯振順埋身,利用男方的名氣。

魯振順自從與女友Julie拍拖之後常常公開放閃,非常恩愛。(資料圖片)

讀者陳先生(化名)向《香港01》爆料,他直指魯振順與Julie已於過年前分手,陳先生說︰「分咗手幾個月,性格不合,女方太炫耀。(佢哋唔係一直好恩愛咩?)都係扮出嚟。佢好多嘢係扮出嚟,都唔係真心為魯振順。」他更指控Julie「係睇晒魯振順所有資料先去搵魯振順。」他續說︰「佢哋好耐冇見㗎嘛,原來所有嘢係有心有部署去睇晒魯振順嘅所有嘢,先至知道佢咁錫佢阿媽,用呢個弱點嚟搵魯振順,佢純粹係為咗佢嘅生意去做呢樣嘢。(Julie係做保險嘅係咪?)嗯……佢借魯振順嘅名氣,好有機心嘅一個女人。」

魯振順與女友Julie去年於無綫節目《日日媽媽聲》做嘉賓。(影片截圖)

被問到魯振順是如何發現Julie有異樣,這位讀者就說︰「一路觀察佢,你可以問魯振順,直接問佢都冇問題。佢好傷心囉,而家都成日自己一個喺屋企。因為佢而家好慘,又驚人哋話佢唔好,所以佢都唔夠膽喺出面講。我係佢朋友,不過睇唔過眼啫。」他續說︰「初頭以為佢真係好幫振順,幫幫吓順順,但我哋啲朋友睇睇吓唔對路。(例如有冇話呃錢?)感情啦最主要,最傷心係感情,錢銀呢啲我就唔係咁清楚佢哋啦,感情就一定係呃咗啦!」而陳先生指出是由女方向魯振順提分手的,「同順順講咗幾次,順順就好傷心」。

Julie在Facebook開直播。(Facebook圖片)

這位陳先生表示,例如有一次魯振順和Julie要上電視台合唱,最後卻出現磨擦,「佢哋喺電視台唱歌唱到走晒音,之前順順已經教佢點唱歌,你知順順唱歌好好聽嘛,已經教晒佢點樣唱歌,佢係都要用佢自己嘅方法,佢哋喺電視台合唱,唱到走晒音,又唔聽順順意見,咩都要自己嚟。」他又指Julie「出咗事之後又唔認」,陳先生明言二人之間還有其他性格上不合的事,最後分手收場。他覺得Julie利用魯振順的名氣,在Facebook上做直播節目「女神周記」,對外又指自己仍跟魯振順在一起,但實際是「分咗手,肯定!」而他表示魯振順因為感情事而影響工作,更有失眠的問題。

魯振順與Julie譜出「黃昏戀」,非常幸福。(資料圖片)
魯振順激動否認與Julie分手的傳聞。(資料圖片)

《香港01》記者向魯振順求證事件,他就激動澄清沒有此事,他說︰「冇啊!不嬲都喺度啊!冇啊!大吉利是過佢咩!烏鴉口!而家啲人咁㗎講嘢!有冇搞錯啊佢!」他再表示︰「冇呢件事,(仲係好恩愛?)已經變咗屋企人咁囉!都變咗屋企人啦,仲有咩恩愛唔恩愛啫,都係愛㗎啦!」他又說︰「陣間約咗Julie食飯!」他之後笑言︰「邊個咁多口,係咪佢鍾意我㗎?」

原本魯振順與Julie在今年結婚,但他就透露因為疫情關係而延期,他說︰「好在我冇落訂咋,擺喜酒嗰間酒店變咗防(檢)疫酒店,唔係真係唔見咗好多錢啊,而家錢搵錢好艱難㗎!」

魯振順表示與Julie去食順德菜,之後的確有相為證。(網上圖片)

點擊圖輯睇魯振順與Julie甜蜜相處片段:

+3

日日媽媽聲︱魯振順遇黃昏戀 籌備新居「多嘢做」:我要搵番初戀

+8

同場加映︰

你可能感興趣