鍾欣潼公開5天必瘦排毒減肥法　半年激減30磅

鍾欣潼（阿嬌）去年出演內地真人騷《怦然心動20歲》時，身形之豐腴震驚全網，當時好姊妹蔡卓妍（阿Sa）曾解釋係因為荷爾蒙失調。其後阿嬌指搵出新方法減肥，仲話效果好的話會同大家分享！

不出半年，阿嬌帶著23吋蛇腰出現內地真人騷《乘風破浪的姐姐3》，令不少網民眼前一亮！阿嬌早在年初時除了運動之外，亦搵營養師設計每日餐單，其後因要排練《浪姐3》，每日都攰到冇乜胃口，結果3個月之內體重下跌10幾磅，腰圍亦縮減至23吋，仲弗過21年前出道時。

據阿嬌所講，她用的是「5天排濕毒高營養湯水減肥法」：連續5日都要飲一種唔同嘅肉 (雞、海鮮或豬）煲成嘅湯水，做法沒有限制。另外，每日亦最少食3個蛋白，早、午兩餐一定要食一小碗米飯或廣東米粉，如不夠飽肚的話可以加肉或綠葉菜（但切勿甜及炸）。晚飯前先喝營養湯，並以多菜少肉為主。除戒甜及酒之外，瓜類、筍類、豆製品亦不能吃。而阿嬌多數以紫薯代替白飯，因為紫薯含豐富纖維素，能進腸胃蠕動。阿嬌就係靠呢個「5天排濕毒高營養湯水減肥法」加上運動配合，短短半年瘦咗超過30磅。