戴祖儀單身多年 大方承認目前有溝通對象:呢個年紀講冇實在太假

撰文:賴家杰
出版:更新:

戴祖儀今天(9日)以嘉賓身份出席由甄澤權、馮盈盈、何依婷做主持的綜藝節目《魔法伽利略》錄影,談到近日去到沙灘,拍攝了不少唯美照片,大曬白滑背部,而其中一張相便是拖著一個男性的手,引起網友猜測是否男友,她解釋:「我同偉大攝影師去,攝影組有男仔,借咗隻手畀我個個都係男仔,都係拍嘢一Crew人。」

Joey對於識魔術嘅男仔嚟講冇咩話會特別加分。(陳順禎攝)

而Joey已經單身多年,曾經接受訪問時透露身邊朋友都當她是兄弟,亦曾經玩過交友App,不過冇人相信。今天講到感情方面,Joey大方承認與一名認識多年的朋友正在了解對方當中,她說:「有溝通對象,我覺得我哋呢個年紀講冇,實在太假啦,所以我係有溝通對象,所有嘢都係由溝通開始,互相溝通囉。我覺得圈內我比較霸道,所以我比較想揀圈外,朋友嚟講點都有可能嘅,但我唔知點解啲男仔成日當我兄弟嘅,無論靚仔又好,唔靚仔都好,傾傾下都當我男仔。」

Joey認有溝通對象。(陳順禎攝)

點擊戴祖儀靚相!

+17