After Class登陸元宇宙表演 Yumi爆Gigi內地爆紅未改火星性格

撰文:盧凱瑤
出版:更新:

人氣女團After Class四位成員炎明熹(Gigi)、姚焯菲(Chantel)、詹天文(Windy)、鍾柔美(Yumi)早前合體錄製節目《After Class玩轉元宇宙》將於今天(17/6)正式播出。After Class四位成員親自操控着按照她們外貌設計而成的虛擬化身(avatar),於元宇宙內與歌迷玩遊戲及分享個人近況。在節目播出當天更會搶先登入元宇宙舉行粉絲見面會,並獻唱《要為今日回憶》、《原來談戀愛是這麼一回事》、《Breakin’MyHeart》三首歌曲。

After Class殺入元宇宙。(資料圖片)
After Class於元宇宙內合體勁歌熱舞。(資料圖片)

Gigi現於內地錄製《聲生不息》,因此她表示自己非常掛念團員及香港粉絲,Gigi透露:「我喺湖南同一眾前輩們參與歌唱節目,真係非常榮幸,亦都好開心大家鍾意我嘅表演。我人在內地,有一段時間冇見過3位團員同埋香港嘅粉絲,好掛住大家。」Gigi與團員已經多月未見,透過今次《After Class玩轉元宇宙》活動,終於可以與團員合體,別具意義。

炎明熹(Gigi)虛擬化身(avatar)元宇宙內勁歌熱舞。(資料圖片)

Yumi笑言Gigi爆紅後如「火星人」一般的性格仍然沒有改變:「我哋有睇Gigi佢喺《聲生不息》嘅表現,個節目好好睇又好好聽。本來以為Gigi去到新環境,又同咁多前輩歌手交流合作,會變得成熟穩重啲,點知佢繼續係咁火星人,喺元宇宙同fans玩遊戲嗰時,成日亂咁指揮。不過有佢嘅話,氣氛真係又再升級,希望佢一路都保持住呢個搞笑嘅水準。」

鍾柔美(Yumi)虛擬化身(avatar)於元宇宙內勁歌熱舞。

以15歲之齡榮升「師姐」的Chantel近日嘗試比真實年紀更成熟的造型,為此Chantel透露:「歌手要嘗試不同造型,保持新鮮感。之前嘗試比較成熟嘅造型時,其實我都有啲擔心,不過出到嚟嘅效果同埋反應都ok。」

姚焯菲 (Chantel)虛擬化身(avatar)於元宇宙內勁歌熱舞。(資料圖片)

點擊下圖更多相關圖片:

+4
你可能感興趣