姜濤美國拍戲強勢回港 姜糖接機勁尖叫：好掛住你！
撰文：鄺鈺瑩
出版：更新：
姜濤乘坐嘅航班4點多已抵達，但由於要進行快測，姜濤在6點半才現身機場。（葉志明攝）
姜濤5月底時飛到美國拍攝電影，留美三個星期，喺今日（17日）終於返到香港。現場約有30多名「姜糖」接機，機場工作人員不時叮囑大家「唔好引起混亂」。
姜濤在美國完成電影拍攝後終於返港。（葉志明攝）
黑衫黑褲嘅姜濤於6時許與工作人員步出接機大堂，見有傳媒在場，他亦有揮手打招呼，有姜糖大叫「好掛住你」。一般由外地返港嘅旅客/港人均需要到酒店進行7日隔離，而姜濤在工作人員安排下，無需排隊直接進行登記手續，非常快捷。姜濤其後亦在IG發帖「I’m back 」報平安。