由呂爵安（Edan）邱士縉（Stanley）以及魏浚笙（Jeffrey）等10位男神主演嘅ViuTV劇集《i.SWIM》，已定檔7月11播出，故事講述由Edan和Jeffrey飾演的兩位青年泳手展開一段亦師亦友、也亦敵的競賽，最大看點當然是找來10大男神參演，齊齊扮中學生，眾人為角色而透過節食、斷食瘋狂操肌，Jeffrey更自爆特地脫掉胸毛。由於MIRROR向來在衣著上沒有夏天，所以難得在劇中「大解放」，故未開拍已叫唔少「鏡粉」期待。

ViuTV有「肌男」，咁無綫又如何呢？7月嘅黃金時段(晚上8時30至9時30分）將播出《回歸光影頌》系列劇集，至於9時30分至10時30分，將會播出由高海寧、張振朗以及陳展鵬主演嘅《童時愛上你》，用一線小生、花旦對撼十位男神，再加上高海寧於劇中因意外而失憶，心智有如小學生，又好似幾有睇頭嘅。