前TVB藝員陳偉洪投資過百萬開健身中心：想擁有自己嘅Gym Room
撰文：吳子生
出版：更新：
前無綫（TVB）藝員陳偉洪（Calvin）有份投資過百萬的健身中心今日（25/6）於中環正式開張，Calvin的圈中好友梅小青、劉家豪、楊梓菁、黃嘉樂及李君妍等人亦有到場祝賀，場面非常熱鬧。Calvin接受《香港01》訪問時表示：「其實開呢間健身中心係突然嘅事，係我身邊嘅健身教練朋友問我有冇興趣一齊搞，又撞啱自己又鍾意健身，又想擁有自己嘅Gym room，就係咁大家就一拍即合，我同另外三個朋友合資咗成七位數字去搞呢間健身中心。」
陳偉洪透露與三名友人合資過百萬搞健身中心。（葉志明攝）
+1
至於會否落手去教健身？Calvin表示：「其實我都要落手去教，因為我都係一位健身教師，而且能夠為顧客成功減肥，呢個對我嚟講滿足感好大。（藝員身份會吸引更加多女學員埋身要求私教？）哈哈，反而女仔就唔多，男仔就多啲。可能啲女仔知我之前係藝員，而家係教練身份，佢哋可能會有啲唔慣，所以怕咗接觸我。」