香港書展將在7月底舉行，每年喺呢個時候都會有唔少清涼寫真集推出。《香港01》收到消息指今年５月因被指似MIRROR成員AK而爆紅嘅肉類分割員」威威（劉宋威），亦有意在書展檔期推出自傳寫真以及烹飪書！

荃灣街市「肉類分割員」威威（劉宋威）自5月「出道」後，廣告、YT頻道接住上，之不過，有出版社眼見威威如此受歡迎，本身打算搵佢合作，推出「自傳、寫真以及烹飪書」，似乎將威威打造成「另類才子」。之不過，未知是否威威近期嘅負面新聞太多，雖然本專已出PO澄清，並表示會尋求法律意見，但單係一個「除罩威威留餸區」已嚇窒了出版商，並即時叫停合作大計。對於出寫真一事，《香港01》曾向威威方面查詢，對方表示強調「冇咁嘅事!」