港姐2022 I 爆炸頭Astrid親解髮型之謎 超高學歷自信非凡
撰文：張嘉敏
出版：更新：
《2022年香港小姐競選》入圍20位佳麗今日首次會見傳媒，並進行了抽號碼以及自我介紹。1號佳麗徐麟 (Astrid) 面試時因爆炸頭造型令人留下深刻印象，即使在大會安排到髮型屋轉look後依然是爆炸頭，今日她的髮型終於有少些變化。問到Astrid為何如此鍾情爆炸頭，她說：「我覺得幾適合自己，我都想嘗試唔同嘅風格，我今日嘅styling都有啲唔同咗。」
徐麟於港大修讀博士學位課程。（梁碧玲攝）
她透露從內地來港讀書已接近兩年，雖然廣東話講得不太好，但她有努力學習，至今已學了三個月。問到為何參選港姐，她說：「我好有自信，好想同其他人比較，希望自己有更多進步，今年係港姐50周年，係一個特別嘅年份，亦係一個難得嘅機會。」她為了今次參選也有認真健身，裝備自己。身為港大博士生的她在學習和比賽可以平衡得到，如果能夠當選，她亦不排除做藝人，讓自己的前路有更多可能性。
Astrid自言自己很有自信。（梁碧玲攝）