ISWIM︱獲袁澧林讚最大隻 Jeffrey謙虛否認:Alton個胸都好大

撰文:陳芷穎
出版:更新:

MIRROR成員呂爵安(Edan)、王智德(Alton)、邱士縉(Stanley),以及魏浚笙(Jeffrey)、袁澧林(Angela)等演員昨日(5/7)現身ViuTV新劇《I SWIM》記者會,日前因緊密接觸確診者需自我隔離的Jeffrey表示開心地度過了7天:「最緊要食多啲維他命C,飲多啲水,都係一個好好嘅Break。(同《膠戰》啲人打機?)係呀,好好玩,我哋用真實嘅名嚟打,有人DM我話見我哋成隊出咗局,本身扮勁Po咗第一名,點知就俾人篤爆咗。」

Jeffrey日前因緊密接觸確診者需自我隔離,他表示開心地度過了7天。(葉志明攝)

Jeffrey與Angela在劇中飾演情侶,問到有沒有親熱鏡頭,Jeffrey說他們的關係很純真:「極少(親熱鏡頭),拖下手,劇情需要跟返個劇本走。」劇集的宣傳片中,一眾小鮮肉曬肌大派福利,相反Angela的泳衣卻相當密實,她怕醜表示:「我冇咩可以露,我驚觀眾唔係好想見到我咁暴露,我有個健康嘅泳衣形象就好。(假如三點式上陣自己ok?)中學生係咪唔會着三點式?我自己中學係未識着三點式,可能都係同自己身形有關,多啲嘢睇着少啲布都Ok。」

Jeffrey與Angela在劇中飾演情侶,問到有沒有親熱鏡頭,Jeffrey說他們的關係是很純真。(葉志明攝)

一眾男演員經常赤裸半身上陣,Angela就未有太尷尬:「同Jeffrey拍比較多,雖然有群戲,但唔係好多。」她更大讚Jeffrey是最大隻、身形最好看的一位:「我係盲粉,所以一定係支持同我最多戲份嘅。」Jeffrey感謝Angela的讚賞再指:「現實就一定唔係,Alton、Stanley,Martin(王智騫)都勁,Alton個胸都好大。」Angela亦十分欣賞Jeffrey的自制能力,更大爆其他男演員會不停吃粉絲送贈的應援食物,唯獨是Jeffrey忍到口:「我成日嗌珍珠奶茶,你係冇畀過面,你永遠都唔飲。」

+3
你可能感興趣